Үміт Зұлхарова — 1975 жылы 28 қаңтарда Қызылорда облысы, Жаңақорған ауданы, Қаратөбе ауылында туған. 1999 жылы Түркістан қаласындағы Қожа Ахмет Ясауи атындағы Халықаралық қазақ-түрік университетінің журналистика бөлімін бітірген. 2003-2011 жылдар аралығында Республикалық «Ара.kz» сын-сықақ журналында сықақшы-журналист, жауапты хатшысы, бас редактордың орынбасары қызметтерін атқарған. 2006-2008 жылдары «Қазақстан» Ұлттық телеарнасының әзіл-сықақ «Қымызхана» бағдарламасында сценарист; 2011-2013 жылдары «Аруна» балалар баспасында үйлестіруші редактор; 2014 жылы «Астанафильм» кинокомпаниясында редактор; 2014 жылы Республикалық «Айқын» газетінің «Ара.kz» қосымшасында Бас редактордың орынбасары қызметтерін атқарды. «Депутат отыр партада», «Есебіңді білесің бе?», «Келеке керек пе?» атты сатиралық кітаптардың авторы. Журналистер және Жазушылар Одағының мүшесі.