Мадина Омарова — жазушы, драматург, ҚР Жазушылар Одағының мүшесі, Ұлттық «Сахнагер» сыйлығының иегері (2017), Қазақстанның Мәдениет саласының үздігі (2021), Халықаралық «Алаш» әдеби сыйлығының иегері (2022). 1975 жылы 12 ақпанда Алматы облысы, Жамбыл ауданы, Үңгіртас ауылында дүниеге келген. 1996 жылы Абай атындағы Алматы Мемлекеттік Университетінің Филология факультетін Қызыл дипломмен тәмамдаған, 1996-1998 жж. Т. Жүргенов атындағы Театр және Кино институтының Драматургия бөлімін оқып, тәмамдады. Түрлі мерзімді басылымдарда, отандық телевидениелерде қызмет атқарды. «Ана ғұмыр» («Жалын» баспасы, 2011 ж), «Қадір түні» («Жалын» баспасы, 2013 ж), «Көмбе нанның дәмі» («Алматы-Болашақ» баспасы, 2020 ж), «Менің қаһарман шөберем» («Абай» баспасы, 2022 ж), «Менің қаһарман шөберем» («Жалын» баспасы, 2022 ж) кітаптарының авторы. Қазір М. Әуезов атындағы Қазақ ұлттық драма театрында Әдеби-драма бөлімінде қызмет етеді. Назарларыңызға автордың «Пара» атты әзіл әңгімесін, «Жақсы көру» әңгімесін ұсынамыз.