Ержан Қожасов — 1988 жылдың 26 тамызда Қызылорда облысы, Арал ауданы, Жаңақұрылыс ауылында дүниеге келген. 2005-2009-жж. Жамбыл гуманитарлық-техникалық университетін тәмамдаған. Білімі жоғары, мамандығы «Қазақ тілі мен әдебиеті» пәні мұғалімі. Арал ауданы №74, №67, Тараз қаласындағы №54 орта мектептерінде мұғалім, директордың оқу ісі жөніндегі орынбасары қызметін атқарған. Республикалық «Ел тілегі» газетінде тілші-менеджер, «Сыр медиа» ЖШС, Ақпараттық талдау орталығында интернет кеңістігі бойынша сарапшы, облыстық «Ақмешіт жастары» газетінде тілші болған. Қазір облыстық «Сыр бойы» газеті «Экономика» бөлімінің тілшісі, «Саясат және әлеумет» бөлімі басшысы қызметінде. Бірнеше республикалық және облыстық шығармашылық байқауларға қатысып, жүлделі орындарды иеленген. 2021 жылы «Мен ауылдың ұлымын», 2023 жылы «Жылы жүрші» атты кітаптары жарық көрді.