Айсұлу Съезхан — ақын. 23 жаста. Астанада тұрады. Абай атындағы Қазақ Ұлттық педагогикалық университетінің түлегі. 2019 жылы «Ұлан» газетінің жас тілшісі атанған. «Ақ желкен», «Балбұлақ», «Дертке Дауа», «Егемен Қазақстан» сынды республикалық басылым беттерінде материалдары жарық көрген. М.Әуезовтің 125 жылдығына орай ұйымдастырылған қалалық эссе байқауының, ғұлама ғалым Қ.И.Сәтбаевтің туғанына 125 жыл толуына орай өткен «Менің халқым менен де биік» қалалық жыр мүшәйрасының жеңімпазы. «Алматы» телеарнасының 25 жылдығына орай ұйымдастырылған «Алматы — сүйікті қалам!» республикалық жыр мүшәйрасының II орын иегері. Бүгінде AIQYN газетінің тілшісі.